Mucha y adulto

Abase di suficiente interes lo organisa tambe actividad pa mucha y adulto.

Cushinamento

Cushinamento ta un actividad diario cu hopi di nos ta haci sin pensa dos biaha. FAVI ta conciente con dificil e por ta pa cushina si un hende tin limitacion di bista. Ta pesey FAVI ta ofrece les di cushina na su cliëntenan y tin algun metanan den bista manera; siña e cliente cu limitacion con pa cushina indepeientemente atrobe, siña e cliente usa materialnan pa cushina teniendo na cuenta su limitacion di bista, siña e cliente cu nunca no a siña cushina pa cushina, y naturalmente siña e cliente recetanan facil y nobo. E curso di cushinamento ta consisti di 10 les y cu ta wordo duna na mas of menos 6 persona. Pa mas informacion tuma contacto cu centro di FAVI.

FAVIdo

Actividad di obra di man (FAVIdo). FAVIdo ta e actividad semanal di obra di man na e centro di FAVI. Banda di e actividadnan manera e obra di man mes, carpinteria, domino, baile y salidanan, tambe ta wordo organisa actividadnan pa challenge e mente, manera hersengymnastiek y diferente charlanan educativo.  FAVIdo ta wordo coordina dor di e guia di actividad conhuntamente cu un grupo di  boluntario. E meta di FAVIdo ta pa saca e cliente for di isolacion, cu e tin contacto social y cu e por gosa di bida.

 

 

Charla

Desde januari di aña 2007 FAVI ta ofrece posibilidad na su clientenan participa na un grupo di combersacion. E grupo aki ta ofrece e cliente e posibilidad pa papia y intercambia  tocante di nan experiencia y sintimientonan cu limitacion di bista ta trece cune. Tambe nan tin e posibilidad pa siña di otro y haya tips con pa anda cu nan problema di bista. Cu e diferente grupo di combersacion FAVI kier logra e siguente metanan:

  • contribui na yuda e persona cu limitacion di bista pa anda cu su limitacion visual den tur aspecto
  • pa mehora e calidad di bida cu e persona cu limitacion di bista tin
  • pa yuda e persona cu limitacion di bista reconoce e sintimientonan serca dje y otro cliëntenan 
  • sera amistad cu personan cu tin e mesun tipo di problema cu e cliente

Ehercisio

Ehersicio ta wordo duna tur diamars. E lesnan di ehersicio ta wordo duna dor di docentenan boluntario. Meta di e lesnan ta pa stimula e cliëntenan pa keda den movecion fisico esaki no solamente ta promove y miho salud, pero tambe ta contribui na un bon orientacion y mobilidad. E lesnan ta wordo parti den diferente ehercisionan, tin biaha combina cu tecnica di relahacion y/of haci uso di e espacio di “fitness”.

 

Copyright © 2013 - FAVI

Powered by ECA N.V.